Á rafbíladögum Öskju verður lögð áhersla á veglegt framboð 100% rafbíla, tvinn- og tengiltvinnbíla frá Mercedes-Benz, Kia og Honda. Má þar nefna netta borgarbílinn Honda e, sem er 100% rafbíll og hefur hlotið mikla eftirtekt fyrir hönnun og tækni. Úr fjölbreyttu rafbílaúrvali Kia kemur meðal annars Kia Niro er sem er fáanlegur sem 100% rafbíll, tvinn- eða tengiltvinnbíll. Frá Mercedes-Benz má nefna lúxus sportjeppann Mercedes-Benz EQC, sem hefur notið mikilla vinsælda og atvinnubílana EQV og eVito en þeir taka allt að 9 manns í sæti. Þetta er einungis hluti af þeim rafbílum sem eru í boði hjá Öskju en úrvalið má sjá á askja.is.
Á næstu dögum bætast við í rafbílaflóruna hjá Öskju hinn nýi Mercedes-Benz EQA og sjö sæta jeppinn Kia Sorento sem kemur í plug-in hybrid útfærslu. Mikil eftirvænting ríkir eftir komu þessara tveggja bíla en forsala er þegar hafin á þeim og verða fyrstu bílarnir afhentir í næsta mánuði.
,,Rafbílavæðingin hefur tekið stórt stökk á Íslandi undanfarið, bæði með fjölgun rafbíla og eflingu innviða hér á landi með tilkomu hraðhleðslustöðva um allt land. Á árinu 2020 var hlutfall nýrra bíla knúnir rafmagni að hluta eða öllu leyti um 70% á móti 30% sem eru einungis knúnir hefðbundnu jarðefnaeldsneyti. Það hafa því orðið miklar breytingar á bílamarkaðnum á síðustu 2 árum og við horfum á enn frekari þróun í þessa átt. Því má ætla að margir séu að skoða þann kost að velja rafbíl sem sinn næsta bíl, enda hefur fjármögnun og rekstur þeirra sjáldan verið hagstæðari. Við bjóðum alla velkomna í Öskju til að kynna sér glæsilegt úrval rafmagnaðra bíla af ýmsum stærðum og gerðum," segir Arna Rut Hjartardóttir, markaðsstjóri Öskju.
Askja býður upp á heildarlausnir fyrir rafbíla með sölu á hleðslustöðvum frá Innogy og aðstoð við uppsetningu. Starfsfólk Öskju er til staðar til að svara öllum spurningum um notkun rafbíla og hleðslustöðvar.
