Við leitum að metnaðarfullum og drífandi aðila í starf söluráðgjafa hjá Bílaumboðinu Öskju. Við bjóðum einstakt tækifæri til að takast á við fjölbreytt og krefjandi verkefni í lifandi umhverfi og skemmtilegu starfsumhverfi.

Askja er sölu- og þjónustuumboð fyrir Mercedes-Benz, Kia, Honda og smart. Markmið fyrirtækisins er að vera leiðandi í þjónustu til viðskiptavina og skapa starfsumhverfi sem byggir á metnaði, fagmennsku, heiðarleika og gleði. Askja er í fremstu röð þegar kemur að framboði raf- og tengiltvinnbifreiða.

Helstu verkefni:

• Söluráðgjöf
• Móttaka viðskiptavina og símsvörun
• Tilboðsgerð, eftirfylgni og samningagerð
• Úthringiherferðir
• Þátttaka í verkefnum sem tengjast sölu og þjónustu

Hæfniskröfur:

• Reynsla af sölustörfum
• Rík þjónustulund og mikil samskiptahæfni 
• Sjálfstæð vinnubrögð og vilji til að ná árangri í starfi
• Góð íslensku- og enskukunnátta 

Af hverju Askja?

• Fjölskylduvænn vinnustaður
• Samkeppnishæf laun
• Reglulegir viðburðir
• Allir hafa rödd sem hlustað er á
• Hugað er að velferð og vellíðan starfsfólks

Í anda jafnréttisstefnu Öskju hvetjum við öll áhugasöm til að sækja um; óháð kyni.

Um er að ræða framtíðarstarf. Nánari upplýsingar um starfið veitir Kristmann Freyr Dagsson sölustjóri Kia kfd@askja.is