Nýr Honda CR-V Plug-in Hybrid

Nýr CR-V í tengiltvinn útfærslu (e. Plug-in Hybrid)

Nýr CR-V er byggður á sígildu útliti forvera síns en útlit hans er nú enn kraftmeira og sportlegra með nútímalegri hönnun sem endurspeglar hrífandi aksturseiginleika bílsins.

CR-V Plug-in Hybrid er lengri, breiðari og hærri en fyrri útgáfur, sem gerir hann enn kraftmeiri og afgerandi á veginum. Farþegarýmið er rúmgott og einkennist af hagkvæmni, tengimöguleikum og þægindum sem gerir það að verkum að hann hentar breiðum hópi viðskiptavina, frá stórum fjölskyldum til einstaklinga með virkan og fjölbreyttan lífstíl.

Komdu og reynsluaktu

Öryggið í fyrsta sæti

CR-V er áfram fremstur í flokki hvað varðar öryggi, árekstrar- og öryggisbúnaður er til staðar ásamt sjálfvirkum SENSING-eiginleikum og nýjum íhlutum sem tryggja hámarksöryggi farþega. Áhersla Honda á öryggi er liður í því markmiði fyrirtækisins fyrir árið 2050 um að engin dauðsföll eigi sér stað af völdum árekstra þar sem mótorhjól og bílar frá Honda eiga í hlut.