Nýr Mercedes-Benz CLA heimsfrumsýndur með tilþrifum í Róm

Nýr CLA er væntanlegur til landsins í lok árs 2025

• Frumsýning á nýjum CLA í Róm markar upphaf nýs tímabils þar sem tækni og tilfinningar sameinast á einstakan hátt.
• Nýr Mercedes-Benz CLA er ekki aðeins fallegur heldur líka sá snjallasti og skilvirkasti sem fyrirtækið hefur nokkru sinni framleitt. Með háþróaðri tækni og framúrskarandi hönnun setur hann ný viðmið í sínum flokki.
• Með drægni upp á allt að 792 km og getur hlaðið allt að 325 km drægni á aðeins 10 mínútum.

Með nýjum CLA setur Mercedes-Benz enn eitt viðmið í flokki sportlegra lúxusbíla. Kraftmikil hönnun og háþróuð tækni sameinast í bíl sem vekur tilfinningar og skilgreinir framtíðina.

Frumsýning af þessu tagi kallar á umgjörð sem speglar stórbrotið yfirbragð CLA. Þess vegna var Róm valin – borg sem sameinar tímalausa fegurð, glæsileika og framsýni – fullkominn vettvangur fyrir þessa einstöku kynningu.

Nafnið helst óbreytt, en allt annað er fært upp á næsta stig

Með byltingarkenndri tækni býður nýr CLA upp á meira, hvert sem augað eygir – meira rými, meiri fágun, meiri þægindi, meiri snjallvirkni og meiri skilvirkni en nokkru sinni fyrr.

CLA er fyrsti bíllinn sem keyrir alfarið á nýja stýrikerfinu Mercedes-Benz Operating System (MB.OS). Ný kynslóð MBUX stýrikerfisins opnar dyr að persónulegri upplifun milli ökumanns og bíls. Þetta er fyrsta kerfið í bílaiðnaðinum sem sameinar gervigreind frá bæði Microsoft og Google.

Í rafmagnaða CLA bílnum minnkar hleðslutíminn verulega þökk sé háþróuðu 800-volta rafkerfi og nýrri rafhlöðutækni. CLA 250+ með EQ tækni (orkunotkun: 14,1-12,2 kWh/100 km, CO₂ losun: 0 g/km) getur hlaðið allt að 325 km drægni á aðeins 10 mínútum í hraðhleðslustöð. Hámarksdrægni bílsins er allt að 792 km á einni hleðslu.

Síðar á árinu bætist við ný 48 volta tvinnútgáfu (e. hybrid), sem sameinar sparneytna bensínvél og rafmagn fyrir aukna skilvirkni.

Nútímaleg hönnun með einstökum smáatriðum
Frumsýning nýja CLA markar einnig upphaf nýrrar hönnunartíðar hjá Mercedes-Benz, þar sem bæði útlit og upplifun eru færð upp á næsta stig. Bíllinn sker sig úr með einstökum smáatriðum, þar á meðal ljósaskreyttu framgrilli og stjörnulaga dagljósum, sem gefa honum framúrstefnulegt og kraftmikið yfirbragð.

Hannaður með sjálfbærni að leiðarljósi
Nýr CLA hefur um 40% minni kolefnisspor en órafvæddi forveri hans. Plast úr endurunnu efni er fjórfalt meira notað í bílinn, þar sem 50% af því kemur frá endurunnum neytendavörum. Öll lög sætanna innihalda endurunnið efni, frá sætishlífum til sætissvamps, burðarvirkis og málmhluta. Gólfefnin eru unnin úr Econyl-garni, sem er 100% endurunnið.