Mikilvægt að skrá kílómetrastöðu fyrir 20. janúar

Skráning fer fram á Mínum síðum island.is og í island.is appinu

Frá áramótum þarf að greiða kílómetragjald af akstri rafmagnsbíla, vetnisbíla og tengiltvinnbíla en er það hluti af stærra verkefni sem snýr að fjármögnun vegakerfisins á Íslandi. Lesa má um ástæður kílómetragjaldsins og fjármögnun vegasamgangna á vefsvæðinu vegirokkarallra.is

Ef skráning er ekki gerð verður innheimt vanskráningargjald að upphæð 20.000 kr. eftir 30. janúar.

Mikilvægar dagsetningar

• Kílómetragjald tekur gildi 1. janúar 2024.
• Skylt er að skrá stöðu kílómetramælis fyrir 20. janúar 2024.
• Fyrsti gjalddagi er 1. febrúar 2024.

Upphæðin er:

• 6 krónur á hvern kílómetra fyrir rafmagnsbíla og vetnisbíla
• 2 krónur á hvern kílómetra fyrir tengiltvinnbíla

Hægt er að skrá:

• Í Ísland.is appinu
• Á Mínum síðum Ísland.is
• Með álestri hjá faggiltri skoðunarstofu, annaðhvort við reglubundið eftirlit eða með því að panta tíma í sérstakan álestur

Fyrsta skráning

Skylt er að skrá stöðu kílómetramælis fyrir 20. janúar 2024.

Ef skráning er ekki gerð verður:

• Innheimt vanskráningargjald að upphæð 20.000 krónur eftir 30. janúar
• Greiðandi boðaður í álestur hjá faggiltri skoðunarstofu sem mun skrá stöðu kílómetramælis eftir 30. janúar