Ráðstafanir vegna COVID-19

Ráðstafanir vegna COVID-19

17. mars 2020

Í Öskju leggjum við áherslu á áframhaldandi góða þjónustu við viðskiptavini okkar og höfum opið fyrir alla þjónustu og sölu á hefðbundnum opnunartíma. Við bendum viðskiptavinum okkar á að hægt er að hafa samband við okkur í síma 590 2100, með tölvupósti á netfangið askja@askja.is, og með netspjalli á askja.is. 

Til að tryggja öryggi starfsfólks okkar og viðskiptavina hafa nauðsynlegar ráðstafanir verið gerðar í samræmi við reglur Landlæknisembættisins.

Aukin áhersla er nú lögð á almenn þrif í fyrirtækinu með áherslu á að allir snertifletir séu sótthreinsaðir reglulega. Má þar nefna þrif á hurðarhúnum, stýri á bílum, lyklum, pennum, þjónustuborðum ofl. Auk þess sem við tryggjum gott aðgengi að heitu vatni, sápu og handspritti fyrir bæði viðskiptavini og starfsfólk.  Við höfum skipt fyrirtækinu upp í aðskilda hópa þannig að snerting á milli þeirra sé í lágmarki. Við hvetjum starfsmenn stil að vinna að heiman sé þess kostur.

Lögð er áhersla á að starfsfólk Öskju haldi hæfilegri fjarlægð við hvort annað og viðskiptavini. Því heilsum við ekki með handabandi og notum hanska í okkar verkefnum. Jafnframt hvetjum við viðskiptavini okkar til að nota snertilausar greiðslur með farsímum eða úrum í stað greiðsluvéla og seðla.

Við leggjum okkar að mörkum til að tryggja þitt öryggi og áframhaldandi góða þjónustu.

Starfsfólk Öskju.

Þessi síða notar fótspor (e. cookies) vegna nauðsynlegrar virkni hennar og til að safna tölfræðigögnum með þeim tilgangi að gera síðuna betri.