@Html.Partial("_SocialMetaTags")

Mercedes-Benz GLE 500 e Plug-in Hybrid kemur í vor

Mercedes-Benz GLE 500 e Plug-in Hybrid kemur í vor

Mercedes-Benz mun setja á markað hinn nýja GLE 500 e Plug-In Hybrid sportjeppann á næstunni. Bíllinn er væntanlegur til Ísland snemma í vor.

GLE 500 e Plug-In Hybrid verður með hámarks sparneytni og afkastagetu. Tengiltvinnaflrásin í bílnum skilar alls 449 hestöflum. CO2 losunin er hins vegar einungis 78 gr/km og eyðsla í blönduðum akstri aðeins 3,3 lítrar á hundraðið miðað við upplýsingar frá framleiðanda. Rafmagnsnotkunin er 16,7 kWh/100 km og með þessu setur GLE 500 e Plug-In Hybrid ný viðmið á þessu sviði í stærðarflokknum. Þessu til viðbótar er akstursdrægi tvinnbílsins allt að 30 km einungis á raforkunni.

Aflrásin samanstendur af 333 hestafla, BlueDIRECT V6 bensínvél með beinni innsprautun og 116 hestafla rafaflrás. Hámarkstog aflkerfisins er 650 Nm. Auk kröftugrar hröðunar frá „boost“-aðgerðinni býður þetta tæknivædda aflkerfi upp á akstur á allt að 130 km hraða á klst eingöngu fyrir raforku og orkuendurheimt inn á rafgeyminn. GLE 500 e Lpug-In Hybrid verður að sjálfsögðu í boði með hinu háþróaða 4MATIC fjórhjóladrifskerfi frá Mercedes-Benz.

,,Við erum mjög spennt að bjóða GLE 500 e Plug-In Hybrid sportjeppann. Hann kemur í hinni nýju og glæsilegu GLE línu frá Mercedes-Benz. Þetta er í fyrsta skipti sem Mercedes-Benz kemur fram með jeppa með tengiltvinnaflrás. Nú þegar er hægt að panta GLE, GLC og C-Class í Plug-In Hybrid útfærslum hjá Öskju. Mercedes-Benz hefur tilkynnt að framundan séu enn fleiri gerðir bíla á leiðinni í Plug-In Hybrid útfærslum þannig að það eru mjög spennandi tímar framundan," segir Ásgrímur Helgi Einarsson, sölustjóri Mercedes-Benz, hjá Bílaumboðinu Öskju.