Við leitum að þjónustuliprum og ábyrgum aðila til að sinna starfi þjónusturáðgjafa í innri þjónustu Öskju.   

Innri þjónusta samanstendur af þjónustuveri Öskju, innri bílaleigu, Öskjuskutlu og gestgjöfum Mercedes Benz.

Hjá Öskju starfar öflugur hópur starfsfólks, en fyrirtækið sérhæfir sig í sölu og þjónustu á bifreiðum frá Mercedes-Benz, Kia, Honda og smart. Markmið fyrirtækisins er að vera í fararbroddi hvað varðar þjónustu til viðskiptavina og markaðssetningu þeirrar vöru sem fyrirtækið selur og þjónustar.   

Gildi Öskju eru: Metnaður - Fagmennska - Heiðarleiki – Gleði  

Um er að ræða framtíðarstarf þar sem verkefnin eru fjölbreytt og tengjast öllum deildum innri þjónustu Öskju.

Helstu verkefni og ábyrgð:

• Úrvinnsla fyrirspurna frá viðskiptavinum varðandi verkstæði og varahluti
• Yfirfara bókuð verk á verkstæðum, uppsetning verklista o.fl.
• Móttaka og aðstoð við viðskiptavini Mercedes-Benz  
• Akstur viðskiptavina til og frá fyrirtækinu
• Útkeyrsla og sendiferðir
• Undirbúningur bílaleigubíla, skráning, þrif o.þ.h.

Hæfniskröfur:

• Menntun eða reynsla sem nýtist í starfi. Nám eða starfsreynsla í bílgreinum er kostur
• Reynsla af þjónustustörfum, þjónustulund og samskiptahæfni
• Þekking og áhugi á bílum  
• Sjálfstæð og skipulögð vinnubrögð
• Ökuréttindi og góð ökufærni. Meirapróf er kostur
• Íslensku- og enskukunnátta

Af hverju Askja?

• Samvinna og sveigjanleiki  
• Fjölskylduvænn vinnustaður  
• Markviss starfsþróun
• Frábært félagslíf
• Samkeppnishæf kjör  

Umsóknarfrestur er til og með 9. október nk.

Nánari upplýsingar um starfið veitir Rúnar Örn Birgisson þjónustustjóri innri þjónustu, rob@askja.is

Í anda jafnréttisstefnu Öskju hvetjum við öll áhugasöm til að sækja um; óháð kyni.