@Html.Partial("_SocialMetaTags")

Kia Sportage mest seldi bíllinn í ágúst

Kia Sportage mest seldi bíllinn í ágúst

Kia Sportage var mest seldi bíllinn á Íslandi í ágúst mánuði. Alls seldust 60 Kia Sportage bílar í mánuðinum. Í öðru sæti á eftir Sportage var Toyota Rav 4 með 50 selda bíla og Skoda Octavia var í þriðja sæti með 34 selda bíla.

Toyota og Kia eru lang mest seldu bílamerkin á Íslandi í ágúst. Toyota er í efsta sæti með alls 187 selda bíla í mánuðinum en Kia í öðru sæti með alls 146 selda bíla. Volkswagen er í þriðja sæti með 90 bíla.

,,Við erum að sjálfsögðu mjög ánægð og stolt með að Kia sé með söluhæstu gerðina á Íslandi í ágúst mánuði. Ágúst var að sama skapi stærsti mánuður Öskju og Kia til einstaklinga frá upphafi. Aukning í sölu Kia bíla hér á landi er 21% á milli ára og markaðshlutdeildin er 8,7%. Kia hefur verið á mikilli siglingu um allan heim síðustu misseri og það sama á við hér á landi. Kia Sportage kom á markað hér heima í ársbyrjun og salan á sportjeppanum hefur verið gríðarlega góð og farið fram úr okkar björtustu vonum. Síðasta kynslóð Kia Sportage var mjög vinsæl og seldist upp en nýja kynslóðin virðist ætla að gera enn betur enda mjög vel heppnuð í alla staði,” segir Þorgeir Pálsson, sölustjóri Kia á Íslandi.

,,Kia hefur verið að koma með nýjar línur af bílum sínum síðustu misseri sem hafa slegið í gegn. Nýjasta útspilið er Hybrid bíllinn Kia Niro sem frumsýndur var hjá Öskju um helgina og fékk mjög góðar viðtökur. Kia bílarnir þykja mjög fallega hannaðir og góðir í akstri auk þess sem þeir eru hagkvæmir og umhverfismildir. Þá er 7 ára ábyrgðin sem Kia býður af öllum nýjum bílum einstök og lengsta ábyrgð sem bílaframleiðandi býður upp á. Ef þú kaupir Kia bíl í dag þá er hann í ábyrgð til ársins 2023,” segir Þorgeir ennfremur.