@Html.Partial("_SocialMetaTags")

Íslenskt barn verður valið sem boltaberinn í leik Íslands og Argentínu á HM

Íslenskt barn verður valið sem boltaberinn í leik Íslands og Argentínu á HM

Öll börn fædd 2004 – 2007 eiga möguleika á að verða fyrir valinu. Íslenskt barn mun eiga þann heiður að verða fyrsti boltaberi í sögu Íslands á HM. Barnið mun afhenda strákunum okkar og Messi keppnisboltann í landsleik Íslands og Argentínu í Rússlandi sem fram fer í Moskvu laugardaginn 16. Júní nk. 

Bílaumboðið Askja, umboðsaðili Kia á Íslandi, mun sjá um valið á barninu en Kia Motors er einn aðal styrktaraðili FIFA. Askja hvetur börn fædd árin 2004 til 2007 og forráðamenn þeirra til að gera stutt og einfalt myndband sem sýnir ástríðu barnsins fyrir fótbolta og senda myndbandið til leiks í gegnum vefsíðu. Dómnefnd mun velja 30 áhugaverðustu myndböndin úr innsendingunum, 15 frá stelpum og 15 frá strákum, sem munu keppa í undanúrslitum á Facebook. 10 efstu munu síðan keppa í úrslitakeppni í lok apríl.
Vinningshafinn mun vinna ferð með forráðamanni til Rússlands á þennan sögulega stórleik þar sem barnið verður fyrsti boltaberi í sögu Íslands á HM.
Hér er um einstakt tækifæri að ræða en aðeins einn boltaberi verður á hverjum leikjanna 64 sem fram fara á HM. 

Skráðu þig til leiks hér